En aqueths temps de perturbacions climaticas excepcionaus, de plojas diluvianas au miei de longs temps de sequèra, ne's pòt qu'interrogà's : "Ai, ai, aigas ! Qué'ns reservatz ?" au moment que's dessenha lo 20au carnaval bearnés de la Vath-Vielha. La legenda de 2025 que tira la soa inspiracion de la qui's contava a Angais entà temptar d'explicar lo comportament enigmatic d'ua jaça freatica capriciosa. Que manlhèva tanben a la mitologia pirenenca aqueths personatges essenciaus qui son los baselics e la "draga", hada-serena o hada-dragon.

Cèrtas l'aiga n'ei pas lo beuratge preferit deu noste brave Sent-Pançard, luenh d'ailà ! Segur la ploja n'ei pas lo fenomèn meteorologic lo mei desirat peus organizators de passacarrèras, qu’ei tot lo contra ! Mes Carnaval que's complatz hens las contradiccions. Be n'ei pas la hèsta de tots los excès, deu rambalh, deu ziga-zaga e de l'antinomia ? Alavetz, aus nostes paraplojas, nostes cabans, nostas cueishèras... e que viva Carnaval !

En ces temps de perturbations climatiques exceptionnelles, de pluies diluviennes au mileu de longues périodes de sécheresse, on ne peut que s'interroger : "Oh, oh, eaux ! Que nous réservez-vous ?" au moment où se dessine le 20ème carnaval béarnais de la Vath-Vielha. La légende 2025 tire son inspiration de celle qui se racontait à Angaïs pour tenter d'expliquer le comportement énigmatique d'une nappe phréatique capricieuse. Elle emprunte aussi à la mythologie pyrénéenne ces personnages essentiels que sont les basilics et la "draga", fée-sirène ou fée-dragon.

Certes l'eau n'est pas le breuvage préféré de notre brave Saint-Pançard, loin de là ! Bien sûr la pluie n'est pas le phénomène météorologique le plus désiré par les organisateurs de passe-rues, bien au contraire ! Mais Carnaval se complait dans les contradictions. N'est-ce pas la fête de tous les excès, du désordre, de la chicane et de l'antinomie ? Alors, à nos parapluies, nos cabans, nos cuissardes... et que vive Carnaval !