La trufandisa deu Naion

Naion Canalhon, mandragòt de la Vath-Vielha, qu’èra lo hilh d’ua hada, la tant bèra Clariana, e d’un gigant babau, lo tant tinhós e colerós, Carataishon. Lo mandragòt que demorava hens ua tor, esconuda hens la gèira e lo seuvamair, sus ua tucòla uei desapareishuda, dita « la Montjòia », deu costat de Clarac. Los vielhs que contan que l’aperavan atau permor que las trufandisas deu petit Canalhon semiavan l’arridèra a l’entorn.

Lo son pair, Carataishon, qu’èra un gran batalhaire, tostemps en pelejas dab los autes babaus, los gigants o los becuts. Qu’aimava las armas, sustot las granas espadas de hèr e permor d’aquò, qu’avè au son servici un gigant haure, lo tarrible Nhaca-Nhaspa. Qu’èra hòrt com Ercula, capable de torçar ua barra de metau dab las caishaulas e que tribalhava, au mensh a la debuta, hens un volcan de los Pirineus. Puish, quan lo huec de la tèrra s’estupè, qu’aprengó a utilizar lo carbon de lenha. Las carboèras qu’èran apitadas hens los bòscs, per ençà, per enlà, en deishant aus arbos lo léser de tornar possar. Naion Canalhon qu’aimava horuquejar per la hòrga, en quèsta de colhonadas a har, tà tacanhar lo haure qui, quan gahava lo bruhet - e n’en caleva pas hèra tad aquò - hasè grans calhavaris. Atau, un dia on lo Nhaca-Nhaspa, com a la soa abitud, qu’èra en trin de’s har vàler e de vantar la soa fòrça, lo mandragòt que’u digó :
   « Praube petit haureton ! N’es pas tant hòrt qu’aquò : ne serés pas mêma capable de har colar un fluvi hens la Vath-Vielha.
   - Hòu tu, inocentàs ! Aquò n’ei pas possible. Que caleré desplaçar montanhas !
   - Jo qu’i arrivarèi ! »

La plaisanterie de Naion

Naion Canalhon, génie de la Vath-Vielha, était le fils d’une fée, la si belle Clariane, et d’un géant croquemitaine, le si teigneux et si coléreux, Facedeblaireau. Le génie habitait dans une tour, cachée dans le lierre et le chèvrefeuille, sur une colline aujourd’hui disparue, dite « la Montjoie », du côté de Claracq. Les vieux racontent qu’on l’appelait ainsi parce que les plaisanteries du petit Canalhon semaient les rires à l’entour.

Son père, Facedeblaireau, était un grand va-t’en-guerre, toujours en querelles avec les autres croquemitaines, les géants ou les cyclopes. Il aimait les armes, surtout les grandes épées de fer et pour cela, avait à son service un géant forgeron, le terrible Mord-Mâche. Il était fort comme Hercule, capable de tordre une barre de métal avec les dents et il travaillait, au moins au début, dans un volcan des Pyrénées. Puis, quand le feu de la terre s’éteignit, il apprit à utiliser le charbon de bois. Les charbonnières étaient dressées dans les bois, ici et là, en laissant aux arbres le loisir de repousser. Naion Canalhon aimait fureter par la forge, en quête de bêtises à faire, pour irriter le forgeron qui, quand il s’énervait - et il n’en fallait pas beaucoup pour ça - faisait grand charivari. Ainsi, un jour où Mord-Mâche, comme à son habitude, était en train de se rengorger et de vanter sa force, le génie lui dit :
   « Pauvre petit forgeron ! Tu n’es pas si fort que ça : tu ne serais même pas capable de faire couler un fleuve dans la Vath-Vielha.
   - Oh toi, grand innocent ! Cela n’est pas possible. Il faudrait déplacer des montagnes !
   - Moi j’y arriverai ! »

Virabarquin

Alavetz, Naion s’en anè trobar lo gigant Virabarquin qui èra un esclopèr de grana fama. Sus ua tauleta, qu’avisè un tot petit esclòp, hèra plan talhat e que’u mirè dab grana atencion, tot en argüeitant lo gigant de còrnaclin.
   « B’ei beròi aquò ! Quina finessa ! »
   Virabarquin, flatat, que s’apressè e lo trufandèc de hornir mei enqüèra de meu e cassonada. Lo gigant que’n estè tot arrevirat com ua damiseleta au ras deu permèr galant.
   « Har un esclòp deus petits atau, qu’ei ua causa, mes los granàs qu’ei mei pelut, non ?
   - N’ei pas aisit de trobar los arbos qui cau, mes que coneishi quauques secrets tà tornar la dificultat…
   - Ne serés pas totun capable de har un esclòp tant gran qu’arrestaré lo gave ?
   -E perqué pas ? »
   Virabarquin que’s hiquè de tira au tribalh. En aqueth temps, lo gave de Pau, après Lorda, que s’en anava colar de cap a Lobajac e Pontac. Quan lo gran esclòp estó hèit, Naion Canalhon que’u demandè de portà’u a la sortida de Lorda e de hicà’u a l’aiga empliat de pèirassas. Lo briu, contrariat, que s’emportè l’arriba gaucha e que’s horuquè un passader de cap a Sent-Pèr-de-Gèiras e Nai. Naion Canalhon, pas briga estomagat per aquesta maravilha, que corè, au darrèr de l’aiga, dinc a la hòrga de Nhaca-nhaspa. Pensatz se se’n arridava d’aquèra ! Lo gigant, ridiculizat per un petit mandragòt trabatent, que se’n tornava a lor, tot escamusat, en morganhant miaças escuras. Lo son camin passava a quauquas camadas de la Montjòia, la sèrra on demorava Naion. Hèra esmaliciat a la simple vista deu lòc, Nhaca-Nhaspa que’s precipitè suu mont e, a cops de punhs e de pès, que'u redusí a un maishant pialòt de tèrra e de pèiras.

Villebrequin

Alors, Naion s’en alla trouver le géant Villebrequin qui était un sabotier réputé. Sur une étagère, il avisa un tout petit sabot, très bien taillé et il l’observa avec grande attention, tout en surveillant le géant du coin de l’œil.
   « Que c’est beau ! Quelle finesse ! »
   Villebrequin, flatté, s’approcha et le plaisantin de lui passer plus de pommade encore.

Le géant en était tout retourné comme une jeune demoiselle auprès du premier galant.
   - Faire un sabot si petit, c’est une chose, mais les très grands c’est plus difficile, non ?
   - Ce n’est pas facile de trouver les arbres qu’il faut, mais je connais quelques secrets pour tourner la difficulté…
   - Tu ne serais tout de même pas capable de faire un sabot si grand qu’il arrêterait le gave ?
   - Et pourquoi pas ? »
   Villebrequin se mit tout de suite au travail. En ce temps-là, le gave de Pau, après Lourdes, s’en allait couler vers Loubajac et Pontacq. Quand le grand sabot fut fait, Naion Canalhon lui demanda de le porter à la sortie de Lourdes et de le mettre à l’eau rempli de grosses pierres. Le courant, contrarié, emporta la rive gauche et se creusa un passage vers Saint-Pierre-des-Lierres et Nay. Naion Canalhon, pas du tout estomaqué par cette merveille, courut, derrière l’eau, jusqu’à la forge de Mord-Mâche. Pensez s’il en riait de celle-là ! Le géant, ridiculisé par un petit génie remuant, s’en revenait chez lui très vexé, en ruminant de sombres menaces. Son chemin passait à quelques enjambées de la Montjoie, la colline où habitait Naion. Rendu très mauvais à la simple vue du lieu, Mord-Mâche se précipita sur le mont et, à coups de poings et de pieds, il le réduisit à un vulgaire tas de terre et de pierres.

Tarrible venjença

Quan se’n tornè a casa, après aver hestejar un drinòt dab quauques escarrabelhats deus sons amics, Naion, en lòc de la soa terrucòla, ne trobè pas que roeinas, hens un crum de prova. Aqueste còp, qu’ei lo mandragòt qui’s gahè ua negra colerassa. Las tornas ne’s hen pas esperar ! Lo mandragòt, autant maishant com atrevit, que’s preparè un plan maquiavelic. Que se’n tornè hens lo monde deus òmis. Qu’èra lo temps on lo noste Enric n’èra pas qu’un damiselòt de quinze ans. Que i avè pertot pelejas enter los catolics e los protestants.

Lo purmèr ser, Naion qu’èra, shens har véder, auprès deu Baron de Terride, capdau de las tropas catolicas. Tota la nueit, que marmusè a l’aurelha deu soldat adromit :
   « Los Biarnés que’s trufan de tu. Que dísen que ne’s pas qu’un polòi apaurit e que, se passas peu Biarn que’t preneràs ua bèra plumada ! »
   L'endematin, Terride que’s lhevè de mauhum, dab un gran mau de cap e que decidè de lhevar ua armada.

Lo segond ser, Naion qu’èra, shens har véder, auprès deu Comte de Mongomeri, amic de la Reina Joana. Tota la nueit, que marmusè a l’aurelha deu soldat adromit :
   « Terride que’s trufa de tu. Que ditz que va foter lo huec au Biarn e que, tu qui ne’s pas mei hardit qu’un còth-pelat, se passas peu Navarrencs que’t preneràs ua bèra rostida ! »
   L'endematin, Mongomeri que’s lhevè de mauhum, dab un gran mau de cap e que decidè de lhevar ua armada.

Terrible vengeance

Quand il rentra chez lui, après avoir un tant soit peu fait la fête avec quelques lurons de ses amis, Naion Canalhon, à la place de sa colline, ne trouva que des ruines, dans un nuage de poussière. Cette fois, c’est le génie qui fut gagné par une colère noire. Les représailles ne se firent pas attendre ! Le génie, aussi mauvais que déluré, prépara un plan machiavélique. Il retourna dans le monde des hommes. C’était le temps où le futur Henri IV n’était qu’un damoiseau de quinze ans. Il y avait partout des querelles entre les catholiques et les protestants.

Le premier soir, Naion était, sans se montrer, auprès du Baron de Terride, chef des troupes catholiques. Toute la nuit, il murmura à l’oreille du soldat endormi :
   « Les Béarnais se moquent de toi. Ils disent que tu n’es qu’un dindon apeuré et que, si tu passes en Béarn tu prendras une belle plumée !»
   Le lendemain matin, Terride se leva de mauvaise humeur, avec un grand mal de tête et il décida de lever une armée.

Le second soir, Naion était, sans se montrer, auprès du Comte de Montgomery, ami de la Reine Jeanne. Toute la nuit, il murmura à l’oreille du soldat endormi :
   « Terride se moque de toi. Il dit qu’il va mettre le feu au Béarn et que, si toi qui n’es pas plus hardi qu’une poule au cou pelé, tu passes par Navarrenx tu prendras une belle rôtie !»
   Le lendemain matin, Montgomery se leva de mauvaise humeur, avec un grand mal de tête et il décida de lever une armée.

Maladita

Ajèi ! Quin tarrible estratagemi ! Pendent tota ua annada, catolics e protestants que’s hen ua guèrra impietadosa, bruslant las vilas, los camps e las seuvas. A la fin de l’an 1569, lo Biarn n’èra pas mei qu’ua artiga de brasas. Mes lo mandragòt que tenè la soa venjença : Nhaca-Nhaspa n’avè pas mei lenha tà har carbon e qu’avó de partir mei luenh, en Arièja o en Vath d’Aran.

Quan lo haure se’n anè, Carataishon, lo pair de Naion, qui èra hòrt content deu tribalh de Nhaca-Nhaspa, entrè, hens ua maishanta colèra :
   « Praube estorniu ! Cuja de hum ! Escopit de broisha ! Qu’as fotut enqüèra ? Lo men haure qu’ei partit. Tant que non tornaràm pas har hóner lo hèr hens la Vath-Vielha, que poderàs córrer Sagòrra e Magòrra permor que n’entraràs pas mei ací, fe de babau !»

Naion Canalhon, tot vergonhós, que se’n anè de cap aus monts. Que sofriva sustot de non pas poder véder la soa mair, la doça hada Clariana a laquau èra hòrt estacat. Vagamondejant peus sendèrs deu Garenòt, qu’entenó sobtament los aperets d’ua petita votz aguda. Que s’apressè de plan tà trobar enfin d’on arribavan los crits. Au miei deu faroish, un naneton pas mei gran qu’ua parra, dab un led boton au front (lhèu un hic o ua borruga), qu’avè lo pè empetegat hens un escripet de gahar los auserons. Que’u desliurè de tira e, com èra pro esvagat e que lo mainadet non podè pas mei marchar, que decidè de’u portar a lor. Après ua bèra passejada, qu’arribèn a l’entrada d’ua tuta. Que’u caló plegar l’esquia tà-i poder entrar.

Malédiction

Lorsque le forgeron s’en alla, Facedeblaireau, le père de Naion, qui était très content du travail de Mord-Mâche, entra, dans une méchante colère :
   « Pauvre étourneau ! Citrouille pleine de fumée ! Crachat de sorcière ! Qu’as-tu fait encore ?

Mon forgeron est parti. Tant que nous ne referons pas fondre le fer dans la Vath-Vielha, tu pourras courir Sagorre et Magorre car tu n’entreras plus ici, foi de croquemitaine !»

Naion Canalhon, tout honteux, s’en alla vers les montagnes. Il souffrait surtout de ne plus voir sa mère, la douce fée Clariane à laquelle il était fort attaché. Vagabondant par les sentiers du Garrénot, il entendit soudain les appels d’une petite voix aiguë. Il s’approcha assez pour trouver enfin d’où venaient les cris. Au milieu du trèfle incarnat, un petit nain pas plus grand qu’une mésange, avec un vilain bouton au front (peut-être un fic ou une verrue), avait le pied empêtré dans un piège pour les petits oiseaux. Il le délivra tout de suite et, comme il était désœuvré et que l'enfant ne pouvait plus marcher, il décida de le porter chez lui. Après une longue promenade, ils arrivèrent à l’entrée d’une petite grotte. Il lui fallut courber l’échine pour pouvoir y entrer.

Lo Pòple deus Nans

Mes ací, quina suspresa ! Qu’èra un gran hromiguèr de vermis de lutz qui recotivan de tots costats... Non ! Quan s’estó acostumat a l’escur, Naion s’apercevó que la tuta èra plea de nans dab suu front non pas ua borruga mes un boton luminós, tà poder véder hens l’escur. Qu’èra donc ací que demorava lo Pòble deus Nans !

Que s’i trobava tot un sarròt de nanetons, un ligòt de nans e tres o quate nanarros qui semblavan comandar. Qu’èran vestits de gaimanta faiçon, totas colors mescladas e chic de pelhas de la bona talha. Hens l’escur, qu’avèn, au paréisher, drin de mau tà estruçar los lors ahars ! Lo naneton sauvat peu Canalhon, qu’èra lo hilh deu Nanarro, capdau de la tuta. Que s’èra escapat e que’s trobava dehòra, en gran dangèr, permor de la soa petita talha. Lo son salvador qu’estó donc recebut com lo mei gran deus amics. Los sons òstes que’u hen las aunors de la maison.
   « Diu me dau ! Qu’ei aquò ? Ua mina ?
   - E òc ! Ua mina de hèr, la « mina de Baburet », lo hèr lo mei bon de tots los Pirineus. Mes l’avem pas jamei amuishada au maishant Nhaca-Nhaspa qui expleitava lo noste pòble.
   - Mes que'u poderetz expleitar tà vosautes !
   - Tad aquò que manca lo carbon. Lo carbon qu’ei necessari tad aportar la calor mes taben l’oxigèn. Mes quin har shens carbon ?
   - Que poderí lhèu trobat ua solucion…»

Le Peuple des Nains

et peu de vêtements à la bonne taille. Dans le noir, ils avaient, semble-t-il, un peu de mal pour ranger leurs affaires ! Le petit nain sauvé par Canalhon, était le fils du Grand-Nain, chef de la grotte. Il s’était échappé et se trouvait dehors, en grand danger, à cause de sa petite taille. Son sauveur fut donc reçu comme le plus grand des amis. Ses hôtes lui firent les honneurs de la maison.
   « Dieu me damne ! Qu’est-ce que c’est ? Une mine ?
   - Et oui ! Une mine de fer, la « mine de Baburet », le meilleur fer de toutes les Pyrénées. Mais nous ne l’avons jamais montrée au méchant Mord-Mâche qui exploitait notre peuple.
   - Mais vous pourriez l’exploiter pour vous-même !
   - Pour cela il manque le charbon. Le charbon est nécessaire pour apporter la chaleur mais aussi l’oxygène. Mais comment faire sans charbon ?
   - Je pourrais peut-être trouver une solution… »

Carnaval qu'ei arribat

Naion Canalhon qu’arrefusè l’invitacion tà sopar, que’s gahè lo tròt-canhèr e qu’arribè, a las permèras estelas, en çò de la soa amiga, la broisha Genevisa de Clarac qui’s preparava dejà tad anar dromir. Que’u contè viste las soas benalejas. La vielha comprengó de tira çò qu’i avè de har :
   « Lo carbon… que’s pòd remplaçar, òc… mes vivant, per que ? On èi lo cap ? Qu’ac sabi… On èi hicat lo grimoeri… Oc, qu’ac sei ! Los chepics deus òmis ! Si, si, quan los hèn bruslar, que desliuran mei de calor e d’oxigèn que lo mei bon deus carbons de lenha !
   - Que’n es segura ?
   - Mes òc, que’m pòdes créder, qu’èi ensajat !
   - Que va estar Carnaval, que vau aperar tots los nostes amics... e los amics de Sent-Pançard... e lo Pòble deus Nans… e los manescaus, los « bohalis » de la Vath-Vielha… Que vam passar per tota l’Arribèra tà cuélher lo mei possible de chepics e que’us haram bruslar sus la plaça dab lo hèr de Baburet... E lo men pair que’m perdonarà. »
   Lo Naion que’s virè de cuu tà eishugar ua petita larmòta. E atau que’s passè, non… que’s passarà Carnaval !

E cric e crac, lo conte ei acabat.

Carnaval est arrivé

Et cric et crac, le conte est fini.