Clergat e noblessa de Bearn

L’avescat de Lescar qu'èra compausat de cinq arquediaconats. Lo de Vath-Vielha qu'avè lo sieti a las encontras de Beuste e Baudreish on lo nom demora. L’arquediaque qu'èra un religiós encargat de l’inspeccion de las parròpias. Lo son poder estè important dinc au XIIº sègle.

Los abats laics n’èran pas religiós. Qu'èran senhors o rics paisans ennoblits (domengèrs) qui crubavan la disme e entertienèn ua glèisa en contrepartida. Sovent, que s'aparava a la residencia senhorau. Aquestas abadias laicas ne's trobavan pas qu'a noste. Que'n i avè un centenat tà tota la França.

Noms bearnés : Labat (l’abat) Abadie, Dabadie, Labadie (abadia) / Domengé, Domenger, Doumenge (proprietari d’un maine o domenjadura ; escudèr) Domec (maine, castèth de l’escudèr). Lo domengèr n’èra pas enqüèra adobat cavalièr. La noblessa de Bearn èra compausada de barons, de rufabarons, de cavalièrs e escudèrs (qui portavan l’escut deu senhor).

Château de Coarraze