L'UELH DEU BEEZ

Capbis deu lo son nom a la ressorgença de « l'Uelh deu Beez » aperada autes còps « Cap deu Beez », lo cap estant l'extremitat, la tèsta, o dit autament : la hont deu Beez : Cap-Beez > Cap-Bis.


La montanha deu Jaut, massís calcari desseparant las vaths d'Aussau e de l'Ozom, estuja un hialat aigadèr complexe, dab falhas, drèns, tutas (las de Bètharram, de Capbis...), arrius sosterrans...

Suu son bòrd, a Capbis, s'esten ua depression (poljé) hens qui las aigas reapareishen en mantuas ressorgenças, com la hont deu Prat, la deu Curat e l'Uelh deu Beez.

Lo Beez que's geta hens lo gave de Pau au capsus de Nai. Qu'ei alimentat sus la comuna per petits mes numerós afluents : Topieta, Baset, Cosin, Lestarrès, Landiston... e hèra d’autes. Lo Baset, qui cola au sus de las honts, qu'a, darrèr la cresta d'Ilhens,  desperdicions hens lo massís qui las alimentan per capsús.