BASTIDA DE BRUDGES

A l'Atge Miejancèr, lo Biarn qu'ei un estat independent. Gaston Febus tau protegir renforça la poblada de las termièras e de las granas vias de passatge. De mes, la poblacion aumenta, e las vilas navas hican en valor l'espaci rurau.

Las bastidas :  

Lo còr de la bastida qu'ei la plaça deu marcat. A l'entorn, las maisons, qui an sovent embans, aucupan parcèlas de la medisha pagèra (de 6 a 7 mètres de largor, com la longor deus piteraus de husta) despartidas sus un plan en damièr.

A la soa fondacion, la bastida recebeish ua carta tad atirar los navèths poblants. Que guaranteish drets, exempcions de taxes, d'obligacions militaras... Que'us balha ua certana indépendéncia :qu'ei administrada peus jurats. En contrapartida, quefixa impaus debuts au Vescomtat de Biarn.

Brudges :

La bastida de Brudges qu'estè fondada en 1346 peu Bertrand de Pujols, lòctenent generau de Gaston Febus, vescomte de Foish-Biarn. 

Lo nom de Brudges que vien de la vila flamanda de Bruges on Gaston Febus demorè la mêma annada, abans de s'embarcar tad ua crotzada, en Prussa, dab los Chivalièrs Teutonics.

La carta de Brudges acordava aus poblants lo Fòr de Morlaàs, dab ua parcèla de bastir de 62 arasas sus 16, 5 jornaus de pacatge, 25 de laurada, 2 de bòsc e 2 de vinhas.

L'arasa (45 cm) que vau 2 pams.
Lo pam que correspón a ua man desbadaulada.

Lo jornau (o arpent) que correspón a la surfaça laurada en un dia, sia un drin mei de 30 aras

MIEIHAGET E CAPBIS

MIEIHAGET

Mieihaget qu'avè, au sègle dotzau, un espitau e ua commandaria taus pelegrins de St-Jacqueish.

CAPBIS

Drin après, l'abadia de Seuvalada apita la bòrda deu Cap deu Beez. Aquesta que receb mei de 100 ha de tèrras e herms. Que seràn tribalhadas per quauques paisans comandats per un bordièr.