TOPONIMIA

Ermitatge d'Asson (1) : Oppidum, terruc aucupat per l'òmi despuish l'Atge deu Hèr. > legenda de 2010.

Somirets o Somerets (2) : Lòc dit d'Aigon de qui lo nom vòu díser « petits soms » e qui s'aplica a la partida hauta deu vilatge, entre gave e Ozom.

Serra Cauda (3) : Entre Coarasa e Montaut, qu'ei un costalat plan arrajat (sustot lo penent au capsus, plan segur).

Hont deus Cagòts de Nai : Hont reservada aus cagòts, a l'Atge Miejancèr. Que devè estar a la sortida de la vila, a la debuta de la carrèra St-Roch. Los cagòts qu'èran pariàs, peus uns permor que devaravan deus Maures, peus autes permor d'estar pestiferats. Que'us deishavan los mestièrs de husta.

Que'us esvitavan. A la glèisa, qu'avén la loa pòrta e lo lor benitèr.