1. LO PASTEL

Lo pastèl (Isatis tinctoria) qu'ei ua planta tintoriau, aperada tanben guèda hens lo Nòrd. Qu'ei ua crucifèra a petitas flors jaunas, presentant-se en flòcs. Que son las soas huelhas aloncadas qui, brojadas, balhan la célèbra tintura blua.

Entà fabricar la tintura, qu'amassan las huelhas de junh a seteme, que las mesclan dab aiga, entà las esmogar hens un molin de mola verticala. Puish que las pressan, tà formar bòlas, las « còcas » ou « cocanhas ». Que las deishan fermentar e secar dus mes, puish que las esmiutan e qu'i ajustan urina tà provocar ua oxidacion. Que deishan secar aquera pasta entà obtiéner la podra de pastèl. La tintura hèita atau qu'ei de bèra color e hèra establa.

2. Oppidum d'Asson / 3. Maison deu crime

Ua tona de huelhas balha dus kilòs de podra. Lo pastèl cultivat entre Albi, Carcassona e Tolosa qu'avè ua tarrible reputacion e qu'èra venut hens tota l'Euròpa. Que hè la fortuna d'aqueth « Païs de Cocanha ». Que'n produisivan hèra tanben en Picardia.

A la fin deu sègle XVIau, lo negoci deu pastèl que coneish la decaduda, dab la vaduda de l'indigò qui hèn viéner d'Inda.

Picar sus las imatges entà

tornar a las paginas desiradas >

LegendaCarnavalAssociacionAtrunasGaleriasPartenarisen biarnésen francésPlanActualitat, agendàInfos legausMelLigamsReservat aus membres