ROBERT LO DIABLE

Robèrt II, hilh de Mabille de Bellême e de Rogèr de Montgomery, en 1066, qu'ei au costat de Guilhem lo Conquistador, tà la conquista de l'Inglatèrra. Vadut Senhor de Bellême, que passa sa vita a combater los sons vesins deus Comtats deu Perche e deu Maine. Son espaventable fama de barbarias e de tradidas, qui'u valen d’estar escominjat peu avesque de Sées, l'an hèit aperat « lo Diable ».


En 1111, tà la guèrra enter lo hilh deu Guilhem lo Conquistador, Enric Ièr, rei d’Inglatèrra, e Loïs VI lo Gròs, que passa au servici deu Rei de França, hè presonèr lo son eternau enemic, Rotrou III, Comte deu Perche e ataca, pilha e hica lo huec a Mortanha, lo son fiu. Loïs lo Gròs que'u hida ua mission de patz auprès d’Enric Ièr qui'u hè arrestar. De cap aqueth dia, ne'n saben pas mei arren d'eth.

Enric Ièr que prèn Bellême en 1113, dab l'ajuda de Rotrou III qui confisca lo son cabau. 

La legenda conta que randoleja tostemps hens la seuva de Morla on ei con.honut, a còps, dab lo Rei Artús.

MELUSINA

Jan d'Arras, au XIVau sègle, imortalisa la hada Melusina hens « La Noble Histoire de Lusignan ». Qu’ei un personatge legendari hòrt ancian, representat dab alas e ua coda de sèrp. Hens legendas de totas qui l’evocan, que prèn forma umana e esposa un senhor qui ne l'a pas de véder au banh. Tròp curiós, que's deisha préner a la temptacion e la troba dab la soa coda de sèrp qui torna possat au contacte de l'aiga. Que's jeta lavetz per la finèstra e desaparèish. Que trobam traç de Melusina un drin pertot e notablement en Biarn, com l'assegura  la « Melusina d’Iseste » (fotò). 

Picar sus l'imatge correspondenta tà tornar a la pagina desirada

pagina 1 pagina 2 pagina 3 pagina 4 pagina 5 pagina 6 pagina 7 pagina 8 pagina 9

 

LegendaCarnavalAssociacionAtrunasGaleriasPartenarisen biarnésen francésEn saber meiPlanActualitat, agendàInfos legausMelLigamsReservat aus membres