JOGAM DAB LA LEGENDA

> Los jòcs 

> Las loas solucions

Hetz lo vòste monstre CHEPIC

Qui ei lo Chepic ?

Lo conte de 2017, « Petarrada en la Plana », hè víver aqueste personatge miaçant creat peu broish Pèleminon. Qu'ei descriut e representat hens lo noste raconte, mes ne son pas aciu qu'interpretacions de l'autor e de l'ilustrator. Cadun que pòt deishar córrer la soa imaginacion.


Mira deu concors :

Que s'adressa a las escòlas e aus centres airejats de la Vath-Vielha qui desiran participar. Entad aquó, que sufeish de léger lo conte de 2017 e d'apitar un monstre CHEPIC hèra lèd. 

Los monstres realizats qu'auràn d'estar empliats deus chepics de cadun, notats sus paperòts, que velharàn a guardar secrets e anonimes.

Debanar deu concors :

Aquestes monstres que haràn tots lo passacarrèra, dab los sons creators, lo dissabte 11 de març, dia deu Carnaval, e Sent-Pançard, en persona, que causirà lo mes lèd e que'u s'emportarà dab eth dinc a nhaute an. Los autes brutlaràn hens la halhèra de Carnaval. Que calerà donc causir  materiaus combustibles non polluents.

Quin har ?

Constrentas : 

Lo personatge realizat que serà passejat peu passacarrèra puish cremat (aquest an, o l'an qui vien entau vencedor). Que'u calerà donc estar plan visible, mobil - lhèu lèuger - e combustible.  

Tecnicas : 

Que pòt estar portat (cabòssa, monaca giganta...), munit de  braç portaders, estirat sus un carriòt au quau ne'u calerà pas fixar definitivament en prevision de la cremada, provedit d'arrodetas lhevadissas... 

Elements utiles 

Exemples :

Realizacion de cabòssas de papèr macat

 > Cabòssa de papèr macat

 > Lo babau Clècapotina (2015)

 > Lo becut (2016)

Marioleta giganta : Ua aranha de patas articuladas

Legenda de 2017 : « Petarrada en la Plana »

Rensenhaments : carnaval.vathvielha@free.fr

Nhautas manèras de cuélher los chepics :

Caishas de chepics : 

Fabricar e ondrar caishas qui seràn despausadas en çò deus comerçants, un quinzenat de dias abans lo passacarrèra. Aquestes caishas serviràn a cuélher tots los chepics de la Vath-Vielha e que seràn cremadas hens la halha de Carnaval.

Quasern de doléncias :

- Qu'ei aquò ? Explics e participacion

- Chepic o doléncia ? Un chepic qu'ei un tribulòci secret, personau qui demorarà anonime. Ua doléncia qu'ei un trebuc mei generau, un copacap, ua petita arremarca, un còpde gula o ua grana arrevendicacion... e qu'ei publica.

De bon véder tanben...

 

Legenda deu Carnaval de 2017

Programa de 2017  

Itinerari de 2017

Enviatz-nse las doléncias vòstas

Comunicacion de 2017

Jòcs de la legenda