Personatges traditionaus deu Carnaval biarnés

> Presentacion suu Siti deu Carnaval biarnés de Pau

Los personatges de la pantalonada

  Personatges deu Carnaval de la Vath-Vielha :

Naion Canalhon - Genevisa - Clariana - Carataishon - Nans de Baburet  

Babaus -Becuts

La mascòta deu carnaval noste qu'ei inspirada peu Orton, petit gèni de la legenda deu castèth de Coarasa. Qu'ei un mandragòt, un diablòt, un esperit... pas francament maishant, meslèu trufandèc e tacanhós. Invisible aus uelhs deus òmis, que'us pòt totun aparéisher en petit este viu. Qu'aima plan préner l'aparéncia d'un petit mainat esberit o la d'un gat negre.

Naion Canalhon qu'ei, cada annada, au centre d'ua navèra legenda qui serveish de hiu roi au Carnaval de la Vath-Vielha, on, inevitablament, que joga un maishant torn a las poténcias escuras, de la rigor e de l'ivern e en-hica lo parçan hens situacions de non pas tiéner de qui nse tiram tostemps en alugant un gran huec de chepics.