Personatges traditionaus deu Carnaval biarnés

> Presentacion suu Siti deu Carnaval biarnés de Pau

Los personatges de la pantalonada

  Personatges deu Carnaval de la Vath-Vielha :

Naion Canalhon - Genevisa - Clariana - Carataishon - Nans de Baburet  

Babaus -Becuts

Mair deu Naion Canalhon, Clariana qu'ei ua bona hada. La mitologia pirenenca perpausa duas tracas de hadas : las daunas blancas, ligadas a las honts, aus lacs o a las tutas (de qui las aparicions s'aparentan a las, hèra nombrosas a noste, de la verge Maria) e las hemnas-sèrps, hèra mes maleficas de qui Melusina es l'arquetipe.

Las daunas blancas que van per tres e traçan nosta destinada : l'ua, au son hus, desrotla lo hiu de la vita, l'auta l'atormèra au son arrodet e la darrèra que'u copa. Clariana, com tota hada, qu'a quauques poders magics pròpis ad era. Mes ne pòt pas tot har e, notablament, rivalizar dab los dius e los miei-dius.