Personatges traditionaus deu Carnaval biarnés

> Presentacion suu Siti deu Carnaval biarnés de Pau

Los personatges de la pantalonada

  Personatges deu Carnaval de la Vath-Vielha :

Naion Canalhon - Genevisa - Clariana - Carataishon - Nans de Baburet  

Babaus -Becuts

Qu'ei lo pair de Naion Canalhon e lo marit de Clariana. Aqueste babau qu'ei un solide gualhard, inculte e finòt, se'n bascant pro chic de la soa familha. Qu'estuja la soa faussetat au devath d'ua aparenta bonomia arridondèra. Que tira lo son nom de la soa abondosa pilositat e de la soa mina escusèca.

N'amuishant pas qu'un chic d'interès peu lo hilh son, n'ei pas tant present hens las legendas nostas que la soa hemna, tostemps lèsta tau tirar d'ua maishanta passada. Naion Canalhon rehinha tau sollicitar e de segur de bon dret, car los babaus que son  èstes pervèrs e maishants aus qui ne'ns podem pas fidar.