Ua marioleta giganta

Preparacion de l'aranha

Construsir lo còs de l'aranha dab papèr trempat hens pega de tapisseria o de haria, modelat sus objèctes de bona forma e arimat sus un supòrt de husta on avem deishat la plaça de har entrar la barra qui la va portar.

Las patas que son hèitas dab hiu de hèr encaperat de papèr e de pega. Au miei de cada par de patas qu'avem hèit ua bocla dab lo hiu de hèr tad i har passar un èish. Atau qu'auràn drin mei de mobilitat. Las patas que son separadas per canetòts de papèr e l'èish apitat hens un caishon a vissar sus lo supòrt de l'aranha.

A las patas de davant fixar dus bastons tad animar-las. Ací, qu'an aquestas patas ua traca de mans tad estar mei expressivas.

Lo arnesc de portar

 

La partida de darrèr (C) que va tiéner la barra (D) qui s'emboca hens l'aranha (A). Que i serà fixada ua cinta e, au darrèr, un drin de mossa tà har un tabòt. Dus pès (g) permetaràn de pausar la marioleta giganta au despart o a l'arribada. Sus la partida de davant (B), pegar dus tubes (f) tà poder i deishar los bastons de las patas de davant (e) e atau liberar las mans deu portador.

La marioleta acabada