La cabòssa de becut

Préparacion deu sòcle tà facilitar la realizacion e lo secatge

Construsir un supòrt en polistirène espés o en hust com sus l'illustracion (ací, las tres partidas - revèrs e perhius - ne son pas mêma pegadas. Qu'auren podut solidarisà-las dab pega, puntas o riban adesiu).

Realizacion de l'estructura de basa

Dab carton, qu'avem fabricat un cilindre haut e un plastron e que'us avem assemblats dab bendas de papèr jornau trempadas en pega de tapissar.


Modelatge

Suu cilindre (a), qu'avem fixat ua benda de carton (b), cotada dab tròç de mossa (c).

Qu'avem pausat un bacinet (d) capvirat au som deu cilindre (a) e que l'avem protetjat dab un perrec (e). Puish, dab huelhas de jornaus e pega de tapissar, qu'avem realizat l'ua après l'auta duas miejas esfèras en pasta de papèr.

Un còp plan secada, qu'avem menatjat un horat aun hons de l'ua e que l'avem adaptada au cilindre tà har la partida baisha deu cap. L'auta forma la partida hauta.

Que cau, en seguir, adaptar las esbauchas deu nas, de l'uelh e de las aurelhas e balhar ua forma plan arredonda au cap en ajustant tròç de papèr fripats e cobèrts de bendas de papèr empegat. 

Non demora pas mei qu'a modelar los detalhs de la cara. Lo peu e la subercilha que son hèits dab papèr frostat e hart de pega.

 


 

 

Finicion

Qu'ei pintrura a la guaisha liquida on se pòd rajustar un drin de pega blanca tà melhorar la tenguda. Que poden tanben en vernir lo tot en passant ua ou duas capas de pega blanca alongada d'aiga.